“ليه “المحتوى” يجب أن “يُحتوى
” أكتب أي حاجة مش مهم” كلمة سمعناها في شغلنا كتير، بس ..
الموضوع مش كدة، خالص !
ده تخطيط وتفكير واختيار كل كلمة بيكون ليه واقع على العملية التسويقية
يعني نحب نقولك إن المحتوى لازم يحتوى !
وفي المقال ده هنقول لكم 5 أسباب تثبت لك أهمية المحتوى الكتابي في كل عملياتك التسويقية
السوشيال ميديا بقى جزء من حياتنا
ُخلينا في البداية كدة نطلعك معانا على شوية أرقام بسيطة وإحصائيات
بسيطة في أخر إحصائيات اتعملت على مدار سنة 2019 و 2020 و2021 قالت إن عدد مستخدمين السوشيال ميديا حالًيا بيساوى
3.78 مليار شخص منهم
84 % سنهم من 18 إلى 29 سنة و 81 % من 30-49 سنة
%73 من 60-64 سنة و 45 % من 65 سنة فيما فوق.
بلإضافة كمان إن أكتر من 50 %من النسبة دي يستمد كل المعلومات اللي محتاجها عن طريق مواقع التواصل الاجتماعي.
مافيش فهم من غير محتوى كتابي
تخيل وأنت في مرحلة التسويق حطيت صورة للمنتج أو الخدمة بتاعتك بتصميم رائع ومافيش حاجة مكتوبة عليها، تفتكر المتابعين والجمهور المستهدف هيقدر يفهم الهدف من المنشور أو المقال إزاي؟
المحتوى الكتابي بيشرح وبيفهم الجمهور المستهدف الغرض من المنشور وكمان بيعرفهم أكتر عن خصائص ومميزات منتجك أو الخدمة بتاعتك.
لازم دايما تحاول تخاطب جمهورك المستهدف بالطريقة اللي تقدر توصلهم المعلومة صح بالإضافة الى فهم مشاكلهم وحلها من خلال المحتوى ودايما طرح الاسئلة المختلفة لفهم تفكير جمهورك أكتر.
المحتوى الكتابي هو العمود الفقري لخطط التسويق الألكتروني
قبل ما تبدأ التسويق لمنتجك أو خدمتك أو حتى تسويق لشخصك أنت (Branding Personal ) لازم يكون عندك خطة واضحة بأهداف وخطوات تقدر تتابع منها تطور خطتك ومدى قدرتها على تحقيق الغرض التسويقي للمنتج أو الخدمة وكمان مدى نجاحها خالل كل خطوة.
وأي خطة تسويقية مش هتقدر تقوم من غير محتوى كتابي جيد ومفصل يشرح كل نقطة فيها من أهداف ونتائج وخطوات، وعلشان كدة بننصحك بشدة إنك تهتم بالخطة التسويقية ألن نتائجها بتكون في مدة محددة ومستمرة على عكس النتائج السريعة بدون خطة واضحة واللي احيانا ممكن أن تنهار سريعا
مافيش فكرة هتوصل من غير محتوى
فكرتك هتفضل فكرة لو لم تحول لكلمات، قوة الكلمة في تعبيرها. المحتوى بيقدر يرسم كل كلمة بتقولها ويوصل إحساسها والطريقة اللي أنت بتسوق بيها لمنتجاتك وخدماتك المختلفة. حب، كره، ترهيب، تشويق، وكل المشاعر بتقدر توصلها وتعكسها لجمهورك المستهدف عن طريق المحتوى الكتابي عشان كدة دايما بننصحك باختيار الكلمات المناسبة بدقة فتقدر تعكس عن طريقها المشاعر المطلوبة.
المحتوى هو الطريق الوحيد لتحسين محركات البحث
الSEO هو الهدف المشترك بين كل الخطط التسويقية الألكترونية، والطريق له هو المحتوى الكتابي لان الكلمات هي اللي بتحسن محركات البحث والكلمات هنا تلعب دور البطولة، اختيارك ليها مظبوط بيحسن من مركزك في محركات البحث. ومش بس بتكون على مواقع التواصل اللإجتماعي لا كمان على ال website الخاص بك.
كدة احنا قولنالك أهمية المحتوى بالنسبة للتسويق الألكتروني، قولنا بقى المرة الجاية هتحتوي المحتوى ولا هتسيبه بدون إحتواء؟
جميع الاحصائيات الموجودة بالمقال تمت بواسطة
www.statista.com
www.pewresearch.org
www.datareportal.com
